Martyrologium Rzymskie

Elogia na dzień: 31.10.2026

  • 2026-10-31
  • pl
  • Romæ sanctórum Ampliáti, Urbáni et Narcíssi, quorum méminit sanctus Paulus ad Romános scribens, qui, ob Evangélium Christi, a Iudǽis et Gentílibus cæsi sunt.

    Constantinópoli sancti Stachis Epíscopi, qui a beáto Andréa Apóstolo primus eiúsdem civitátis Epíscopus ordinátus est.

    Apud Augústam Veromanduórum, in Gállia, sancti Quinctíni, civis Románi et ex órdine Senatório viri, qui sub Maximiáno Imperatóre martýrium passus est; cuius corpus post annos quinquagínta quinque, revelánte Angelo, invéntum est incorrúptum.

    Medioláni sancti Antoníni, Epíscopi et Confessóris.

    Ratisbónæ, in Bavária, sancti Wolfgángi Epíscopi.

    Palmæ, in Maiórca ínsula, sancti Alfónsi Rodríguez, Coadiutóris temporális formáti e Societáte Iesu et Confessóris, humilitáte ac iugi mortificatiónis stúdio insígnis; quem Leo Décimus tértius, Póntifex Máximus, Sanctórum fastis adscrípsit.

    Romæ Translátio beáti Nemésii Diáconi, et fíliæ Lucíllæ Vírginis, qui octávo Kaléndas Septémbris decolláti sunt.

    Et álibi aliórum plurimórum sanctórum Mártyrum et Confessórum, atque sanctárum Vírginum.

    ℟. Deo grátias.

  • null