Martyrologium Rzymskie

Elogia na dzień: 02.11.2026

  • 2026-11-02
  • pl
  • Commemorátio ómnium Fidelium Defunctorum.

    Pœtovióne, in Pannónia superióre, natális sancti Victoríni, eiúsdem civitátis Epíscopi, qui, post multa édita scripta (ut sanctus Hierónymus testátur), in persecutióne Diocletiáni, martýrio coronátus est.

    Tergéste pássio beáti Iusti, qui in eádem persecutióne, sub Manátio Prǽside, martýrium consummávit.

    Sebáste, in Arménia, sanctórum Cartérii, Styriáci, Tobíæ, Eudóxii, Agápii et Sociórum Mártyrum, sub Licínio Imperatóre.

    In Pérside sanctórum Mártyrum Acíndyni, Pegásii, Aphthónii, Elpidíphori et Anempodísti, cum plúrimis Sóciis.

    In Africa natális sanctórum Mártyrum Públii, Victóris, Hermétis et Pápiæ.

    Tarsi, in Cilícia, sanctæ Eustóchii, Vírginis et Mártyris; quæ, sub Iuliáno Apóstata, post dira torménta, in oratióne réddidit spíritum.

    Laodicéæ, in Sýria, sancti Theódoti Epíscopi, qui non solum verbis, sed rebus quoque et virtútibus fuit ornátus.

    Viénnæ, in Gállia, sancti Geórgii Epíscopi.

    In monastério Agaunénsi, in Gállia, sancti Ambrósii Abbátis.

    Cyri, in Sýria, sancti Marciáni Confessóris.

    Et álibi aliórum plurimórum sanctórum Mártyrum et Confessórum, atque sanctárum Vírginum.

    ℟. Deo grátias.

  • null